છેલ્લે તો આપણે બે જ હોઈશું

છેલ્લે તો આપણે બે જ હોઈશું
ભલે ઝગડીએ , ક્રોધ કરીએ ,
એકબીજા પર તૂટી પડીએ,
એકબીજા પર દાદાગીરી કરવા ,
છેલ્લે તો આપણે  બે જ હોઈશું

જે કહેવું હોય એ કહી લે ,
જે કરવું હોય એ કરી લે,
એકબીજાનાં  ચોકઠાં શોધવા,
છેલ્લે તો આપણે બે જ હોઈશું

હું રીસાઇશ તો તું મને મનાવજે
તું રીસાઇશ તો હું તને મનાવીશ
એકબીજાને લાડ લડાવવા,
છેલ્લે તો આપણે બે જ હોઈશું😍😘

આંખો જયારે ઝાંખી થશે ,
યાદ શક્તિ પણ પાંખી થશે,
ત્યારે એક બીજાને  એકબીજામાં શોધવા ,
છેલ્લે તો આપણે બે જ હોઈશું

ઘુંટણ જ્યારે દુ:ખતા થશે ,
કેડ પણ વળવી મુશ્કેલ થશે,
ત્યારે એકબીજાનાં પગના નખ કાપવા ,
છેલ્લે તો આપણે બે જ હોઈશું

મારાં રીપોર્ટસ તદ્દન નોર્મલ છે .
આઈ એમ ઓલ રાઈટ ,
એમ કહી એકબીજાને છેતરવા ,
છેલ્લે તો આપણે બે જ હોઈશું

સાથ જયારે છુટી  જશે ,
વિદાયની ઘડી  આવી જશે ,
ત્યારે , એક બીજાને માફ કરવાં ,
છેલ્લે તો આપણે બે જ હોઈશું